كيف تلعب بيس 6 أونلاين في 2023 
...............................................................
كل اللي عليك انك هتروح تسجل في موقع السرفر اللي بنلعب عليه وفي سرفرين بنلعب عليهم في حالة وقوع أحدهم 
1- سرفر PES6STARS
- موقع عمل اكونت على السرفر : http://pes6stars.us.to:8190/
- السريال اللى هتكتبه وانت بتعمل الاكونت : ESWV4EFNTPK63XVTATEF
- موقع تحميل الهوست الخاص بالسرفر : https://www.mediafire.com/file/rfidegww0bctnu3/02_June_2023_-_Pes6Stars_Official_-_hosts.zip/file
2- سرفر الاسبانى PES6.ES
- موقع عمل اكونت على السرفر : https://www.pes6.es/join.php
- السريال اللى هتكتبه وانت بتعمل الاكونت : ESWV4EFNTPK63XVTATEF
- موقع تحميل الهوست الخاص بالسرفر : https://www.mediafire.com/file/dvlcj555qfmor6a/hosts_files_pes6es.rar/file
فك الضغط على ملف الهوست و قم بنقله الى هذا المسار : C/system32/drivers/etc/host وتوافق على الاستبدال
- ملف ال reg الخاص باللعبة عشان يظبطلك السريال اوتامتيك بدل ما كل شوية تخش تكتبه في اللعبة : https://www.mediafire.com/file/ena3rhjyhva0e6l/Pro-Evolution-Soccer-6-registry-www.regfiles.net.rar/file
3- كيف تدخل على الأونلاين فى اللعبة ؟!
افتح اللعبة عادى خالص وانزل على اختيار Online اللى قبل الاخير فى قايمة بيس 6 هيعمل معاك test بتاع 20- 30 ثانية وبعد كدا بيفتح معاك صفحة الدخول هتكتب الاكونت بتاعك اللى سجلت بيه فى الموقع وهيتكتب بالشكل دا [ الاسم-الباسورد ] بدون مسافات مثلا pes6-123456
4- كيف اقلل اللاج في اللعبة او مظهرش اني لاج ؟!
كل اللى عليك تفعل خاصية ال DMZ الخاصة بالراوتر ودى موجودة فى كل الراوتر بتروح عادى لصفحة اعدادات الراوتر اللى فى مصر بتبقى ( 192.168.1.1 ) وبتدخل اليوزرنيم والباسورد بتوع الراوتر لو مش عارف بتلاقيهم مكتوبين على ضهر الراوتر من ورا ... بعد كدا بتروح على Network Security ودى بتلاقيها فى خانة Internet او فى خانة Wan Settings على حسب نوع الراوتر بتاعك لان كل صفحة راوتر بتختلف عن التانية وبعد كدا بتخش على Nat وبعد كدا بتظهر dmz او بتظهر علطول من غير ما تخش على Nat بتعلم عليها ( ✔︎) وتختار جهازك وتعمل save او بتكتب ال ip / mac الانترنت الخاص بجهازك وهعرفك ازاى تجيبه ؟! خش هتجيبك كل اللى عليك بتروح تحت على علامة الانترنت فى شريط المهام وتدوس كليك يمين عليها وتختار Open Network & Internet Settings لو ويندوز 7 هتلاقى علامة الجهازين المتصلين ببعض فى النص دوس عليهم كليكين شمال هيفتح معاك نافذة فيها شكل الجهازين برضو وبيوريك بيتبعتلك انترنت كام وبتستقبل كام هتدوس على كلمة ...Details هتظهر معاك بيانات الانترنت الخاصة بالجهاز
- لو ويندوز 10 نفس الخطوة الاولى وبعد كدا بتروح على الشمال تدوس على كلمة Ethernet وتدوس على شكل االجهاز ضغطة واحدة وبيفتحلك صفحة البيانات الخاصة بانترنت الجهاز وبتنزل تحت عند كلمة Properties وبتلاقى كل حاجا
- لو راوترك بيدعم ال mac يبقى هتاخد physical Adress كوبي او تكتبه يدوي فى خاصية ال dmz
- لو راوترك بيدعم ال ip بس هتاخد IPv4 Adress كوبى او تكتبه يدوي فى خاصية ال dmz
5- ماهو الفرق بين ال IP & MAC ...
- ال mac : بيبقي ثابت بمعنى انك مهما تطفى الجهاز وتفتحه وترستر الراوتر وتطفى النور وتشغله وتكسر الكيبورد
مبيتغيرش هو هو وكل جهاز ليه mac ثابت مهما اختلفت عليه الويندوزات
- ال ip : بيبقي مش ثابت بمعنى انك طفيت الجهاز وشغلته او رسترته بعد فترة او النور طفى عليك او رسترت الراوتر بيتغير كل شوية ودا مش حلو فى خاصية dmz ليه ؟! لأنك كل ما تحب تخش تلعب بيس 6 اونلاين هتعوز تكتب كل شوية ال ip المتغير بتاع الانترنت لجهازك فى خاصية ال dmz عشان متظهرش لاج وتعرف تخش ماتشات مع اى حد
6- كيف تعرف ان خصمك لاج ؟!
بيبقي جنب اسمه علامة ( / ) ودي معناها انه لاج طيب لو جنبه عمود صغير ( بنسميه بار - Bar ) يبقي الانترنت بتاعه قوى طيب لو عمودين ( 2 بار ) يبقي قوى جدا ومعناه انه الانترنت بتاعه adsl سرعات جيدة وبيتراوح مثلا ما بين 10-15 ميجا طيب لو 3 عواميد ( 3 بار ) يبقي الانترنت بتاعه فائق السرعة ومعناه انه الانترنت بتاعه Vdsl سرعات فائقة وبيتراوح مثلا ما بين 30 - 80 ميجا وكل ما يبقي الانترنت اللى بيعلبوا قوى كل ما يقل اللاج ودا افضل 
****************************************
prayer-times.info
